| < | siječanj, 2006 | |||||
| P | U | S | Č | P | S | N |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv
|
A zašto me nije bilo? E jebiga, ja bi reka da su me oteli ALIENI, jerbo mi se čini da ih u mistu ima sve veće. Recmo da mi se ipak ni dalo pisat jerbo sam se satra ovo lito, cilo vrime po kući, pa na more, pa nase doma. Strahota ubilo me, nećeš više vako da znaš ... Ča je novega? Reklo mi se stručno, pun kurac toga je novega. Kako po blogu, tako i u mom malom mistu. Sise restu. Dlake restu. Sve više sidih. Sve manje stidnih. Evolucija judi. Najdraže mi se vratiti na blog i ne znat o čemu srat. Još doli vidin opciju "proslijedi tekst uredništvu". E mogu mislit kako se ti bidni judi načitaju gluposti, svaki redikul mu može poslat njegovo moždani iscjedak. Da se mene pita ja bi sve to satra, zabranija, ča ima ko uredništvu slat, bit će da judi rade i za manje od litre uja ... Na, evo vam svima mašem i vidimo se ove dane, ako me bude volja, jerbo mi je tempo ovode, teško se žive ... pune blazinje pinez, al teška rabota ... |
|
Evo more se reć da je od danas krenila sezona. Ovo sve je do danas bilo ajme majko i drž me-držin te. Došlo je puno stranega svita, a nas samo zanima hoćedu li oni trošit šolde ili ne. Jerbo nisu nam došli vamo radi lipih očiju, već radi toga da njima uzmemo pineze! Vapori gredu po cili dan vamo-tamo, a naš se svit rastrča po mistu jerbo svak se želi dobro pripremit za goste. Zna se da se jedino u sljedećih 20 dan može omastit brk i sa tim valaj izdurat cilu godinu. Čehi dolaze polako s svojim teretom, nosidu opet sve sa sebom, pa čak i crni kruh. Od takvih gostiju jeli bi paštetu cilu zimu, seren im se na standard. A šta je novega u Dagube ... a ništa, danguba je danima lavora okolo kuće i ižginca je škinu pa sad mora malo odmorit. Uvik sam ja govori da za mene nije motika i mašur, ali drugi me jednostavno stavljaju u položaj manovala, a ja sam gospodin čovik ka stvoren za hladovinu. Ove dane vaja počet hodit okolo golaćkih plaži, jerbo ćedu goaćice brzo ispuzat iz bužih i valjda se polako parićavat za golaćku sezonu. Je da više nemam sportske građe, i da sam građen ka 20 dek mortadele, ali i ovakav Danguba je seksi za ženske. |
|
Litnje vrime mi je posebno drago zbog feštih. A na feštama se može često mujte jist, a i pit. Di ćeš bolje. Nama domaćima slabo gre ovu sezonu. Gosti nam jemadu manje pinez nego mi sami. Ja ne znam, ma ove turističke agencije dovodidu siromahe iz Češke i Poljske, a nama tribaju Švabe i Talijanci. Jebenti feragosto u osmi misec kad to traje par dan, pa onda se svi lomidu da ćapaju cinkvinu. Sezona triba trajat barenko dva ili tri miseca i onda moremo govorit o turizmu. Naš turizam su eto siromasi, jadni i bijedni Čehi probužanih bičvi, praznih džepi i frižiderih punih češke spize koju nosidu sa sebom. Ja sam uvik govorija da se valja ćapat purgerih, jerbo oni imaju pinez. Plus toga njih se da dobro izmust jerbo ne kapidu neke stvari, a di ćeš bolje od tutlastog gosta. Oni barenko izađedu vanka, a Čehe moraš ostima tirat iz sobe. A posebno su mi dragi kad na japanke obučedu bičve. Koko Šanel na češki način, glavna atrakcija su po mistu. Još nam samo falidu beskućnici češki ka turisti. Za kurac ti je to sve. |
|
Ćakulamo mi danas isprid butige i pijemo zidarušu koji je platija Miće Panceta, kojemu je danas rođendan. I tako ti ja njima govorim kako je Internet dobra stvar jerbo se more skupit i štagod gostiju priko njega. I taj dil su još i razumili, ali kad sam njima počea govorit o blogu onda su svi stali ka inkantani jerbo nisu kurca razumili. Govorin ja njima kako se tote piše o svemu i svačemu, a oni meni govore da oni meljedu vako i nako, tako da njim ne treba da pišedu svoju pizdarije. Onda sam im reka kako čitam šta drugi pišedu pizdarije, a oni meni jopet odgovaraju da mi ovamo imamo toliko pizdarijih svaki dan, da nema potribe još hodit na internet radi njih. E, ali kad sam im reka da su piške počele čitat ča ja pišem po svojemu blogu, onda u me počeli ispitivat "kako gre oti blog, di se to triba prijavit". Nema ništa brez ženskinjih, kad se one spomenedu onda sve jemo smisla u naše misto. A onda smo kasnije jopet igrali na karte i mene ni hodilo od ruke ništa. Samo sam lišine dobija i nerva sam se ka pas, ali ne moreš igrat protiv karte. Reka mi je onda Miće da hoću li ja napisat na blogu kako sam jopet na karte izgubija ka zadnji redikul, a ja sam reka da ću napisat iz dišpeta i evo sad pišem. Ali neka se zna da Miće ne zna igrat ali ga sere karta i peškaje uvik ase i trice u trešetu i zato i dobije. A na briškulu je još gori, jerbo motaju sve karte odjedanput. Bidan ima neku manu pa trepće i trza ramenom, tako da se pari da ima i tricu i asa i konja i fanta u ruke. |
|
E baš kakovi je danas debeloguzac bija na more, pa to je za Bogu plakat. Od trbušine ne more mi manevrirat dobro, jedva gre. Eto ti meštre kad volimo kusat dobre bokune, sad zato i imaš karatil isprid sebe. A ovi naši mujtaši ugostitelji odmah mu se gredu javit jerbo mislidu da ovi može izist mašur spize pa ga nije loše jemat u svoju konobu. Je da je u nas navik bila moda sa trbuhom u majici na špaline hodit okolo i potezat šlape za sobom, ali ova trbušina od ovega čovika ne gre sa našom modom. Ja mislim da on od trbuha ni jaja ne vidi, a kad se gre popišat onda na pipavicu jedino more štagod učinit. A da bi sve to bilo smišnije, ženska mu nije loša, zapravo pokaza bi ja njoj svoju konobu kad bi bilo prilike. Za vega buldoždera ja sam meneken. |
|
E jebe mi se za sve. Jučera sam na trišetu i briškulu stuka 40 kun jerbo smo Ive i ja platili par turih kad smo izgubili na karte. Do kuće smo se će karali (svađali, ne jebavali) okolo toga šta je ko triba škartat, jerbo škartali smo krive par puti i onda smo išli u kurac. A ne volim gubit na karte jerbo su svi tamo profešuri kad se igra i onda mi pametujedu ko da ja nisam meštar od karat. To sam ja reka i ovima mojima purgerima nesritnima ča litujedu u mene, a onda su oni izvadili neke karte za popišat gaće od smiha. Tikve, mahune, žir, šta svega ni bilo, i oni to zovedu karte. A da vam pravo rečem jebe mi se za sve ove dane. Vruće je i ne da mi se lavurat, a ni inače zimi ne lavuram jerbo se odmaram od litnjih vrućina. Nema gore kazne nego se u pol bota spustit na rivu kad sunce grije ka pećica. Do rive vaja nosit lanč paket jerbo se dobro spotim i potrošim dok dojdem do dolik. Još bolje, neću hodit na rivu ovo lito u vrime kad je žega, jerbo je bolje stat doma u ladovinu. A jebe mi se zbog toga i što je sezona u kurcu, gostiju baš i nema i ova zima će nam opet biti za popizdit dobra. Ja ne razumim, ali kao da je neko izgulija prometne znakove vode do nas, pa onda svit ni ne zna kuda valja hodit. Sa vaporom ih malo dolazi, brojimo hi na prste. A kako ih je malo onda nam padne na pamet da ih žigosamo kad dojdetu, jerbo bolje je odmah ćapat svoga kojega ćeš must, nego da ti se okolo izgubidu pa onda ti iški njih po ovoj vrućini. A moji gosti, jopet ćemo mi vama morat unit nove sadržaje. Recimo mogli bi vam opet isključivat toplu vodu, šta je sadržaj kojega nećete vanka u Španjolskoj ili Grčkoj jemot. Ili recimo napravit ćemo logor Aušvic vode i skupo njima naplaćivat boravak, a još ih mučit i terorizirat. Udrilo dangubu sunce u glavu, gren ća leć jerbo sam se danas umorija od šetnjih i tipkanja. |
|
Ni me bilo na mriži cili jedon don. Problemi sa komunikacijom, ali nije rič o linijama, već o govnima. Uvik kad susidu praznidu septičku jamu onda zadijedu za žice od telefona i sateredu nam liniju. To znači kada se Toma Papalina nasere do vrha onda danguba ne more već zvat nikog na telefon i ne more se uštekat na mrižu. A kad smo kod uštekavanja, lipo sam ja reka Tominoj Mari da je vrime da se uštekaju na kanalizaciju, jerbo je nami puno lipše kad telefon radi. I tako ti je uvik kad se ništo važnega čini po mistu. Napravidu jedno, useredu drugo. Kopaju kanalizaciju, sjebedu struju. Praznidu septičku, ukinedu telefon. Jebenti državu di se ne može jedna stvar dobit, a da se druga ne izgubi. A ča je novega na blogu? Jemo puno svega, a najviše pizdarijih, no neka ljudi pišedu ča im je drago. Ipak bi ja na nike blogove stavija vodokotlić, jerbo kad se sere dobro je potegnit vodu. Obično najviše seredu purgeri, jerbo su se oni rodili ka filozofi. Mi smo se rodili ka fjakaste dangube, a oni ka filozofi. A moji filozofi se točaju u more i lipo meni staviju pineze u blazinju. Neka pinez, neka pinez, valja polako kupit i grob, jerbo kad dojde vrime ne valja završit digod u bušak. |
|
Doša ti je Čovik iz Kalifornije. To ti je naš čovik koji je tamo iša pri desetak godin, a sad se vratija ka šerif. Bija je pri normalan dok je vode bija, a sada mu je puntižel popusti mi se čini i nisu mu svi doma. Najviše mi kuha kad ne zna kako se šta reče, jerbo Gospodin živi u Ameriku i tamo on priča po svojemu, a naški mu je sada strani jezik. E cukunu, ne znaš ti ća je život, gori ti trčeš za pinezima i lavuraš, a mi vode uzimamo pineze i bez puno lavuranja. I sad ti se njemu jidu bifteki i lipa spiza, a janjetina mu je postala mrsna i štetna za liniju. E moj tulipane, a dok smo svi skupa kusali janjetinu u ulju sa kumpirima nisu ti padale te ideje na glavu, nego si muča i kusa. A sada samo Gospoda, držimo do linije, uvlačimo trbuh u se i glumimo Amerikance. I doni je biciklu iz Amerike da bi se vode vozija, kada mi nemamo bicikle vuda. I ne samo to, doni je i šljem za glavu, kada mu je vridna ta conkulasta glava da je mora čuvat tako. I ti furešti ga ne znaju, ni njima bitno ako izgledaju ka lude jer štitidu ćivericu. A ja to ne bi stavija na glavu dok san na biciklu, jerbo bi me cilo misto cilu zimu zajebavalo da sam redikul, a i bija bi. I onda nama Gospoda pričaju kako oni u Ameriku imaju vo-ono, tehnologiju i sve, a mi bi se trebali divit. Ma jebala te tehnologija, koja ti je razlika između septičke i kanalizacije, sereš u jedno i drugo i ni baš da se misliš o tome dok tumbaješ u školjku. Imaju metro, robne kuće, idedu vanka gledat kazalište, putujedu okolo ... a mi jemamo more kumpiru, biciklu i motorin, u Frane Mortadele jemo svega za uzet u butigu ća ti triba, a kazališta nam ne triba jerbo imamo šou program po cile dane po mistu. Eto tebi na tvoja Kalifornija, ja je jemom vode. |
|
E, mi vam gremo doma sa 4 baluna u mriži. Lipo su nas izbužali i ne može se ništa prigovarat. Ajme da mi je malo srat po sucu, ali jebiga, ne more uvik. Imali smo sriću da je prvi balun uša u branku, inače mi ne bi lako do gola. A kad je pa taj gol nama se užgala kuća skoro, judi moji koja je to ludnica bila. Pivalo se i skakalo, jedino je Andro Ćuk govorija da kalmamo jerbo se ima igrat još osamdesetipet minutih. Ja sam nosija na glavu našu smišnu beritu i ovi cukuni su mi je kalavali svaki minut pa nisam vidija pol balunih. A bit će da je i vino udrilo u šufit, jerbo mi se činilo da Englezih ima bar dvadesetidva tamo. Ajde nećemo biti sad plačne Mande i gremo se svi do kraja dobro oblokat i onda pijani i tufinavi leć u postelju. Sutra ćemo bacat ćakule, a prikosutra ćemo već imat nove teme. Bit će još baluna. |
|
Jebenti neću sve po spisku ako nije tako. Njima u glavi restedu pantagani i jidu njima mozak, jerbo malo po malo pa njima nešto fali u mozgu. Lipo san joj reka da gre vanka ako će kutat i ćakulavat, jerbo se meni po kući ne gleda teta Fanica kad dojde. Ona nam izvižita cilu kuću, samo što mi ne prigleda i mudante koje nosin, stara kokoš jedna. Bija sam ja odvea ovu moju na bale nedavno, a ona se toliko namaškarala da san misli da je razumila kako gremo na karneval. Jebenti sve nesrićo, sidi sam kraj opituranega ćupa koji je samo gledo je je ko gleda, pa san ja udrija po janjenetini i vinu. A ona meni govori da koji sam to kurac se ćapa spize tako, a ja san joj samo reka da muči, jerbo će joj se inkarat sa face počet raspadat. Onda je neki dan odlučila prominit frizuru, pa je došla doma sa novim buškom na glavu. Ja ne znam je to vidila u Vogue ili di već, ali takvu frizuru ne bi preporuči ni onoj kozi od Pere Kaštropilota, kojoj inače pašedu sve frizure jerbo gore ne more parit u originalu. Prvo je došla ova moja sa tom novom frizurom koju je platila 150 kun, a onda je već sutra iškala kako će popravit frizuru jerbo ni bila zadovoljna. I ja san joj reka da ni ja ne bi bi zadovoljan sa oštrigucanim buškom na glavu, a još veća bi luda bija kad bi ga platija. |
|
Ja ne znam ća se sa svitom dogodilo, ali ovih pederih jemo svuda i sve veće. Ka dica smo trkali za jednim pederom u misto i gađali ga stinjčicami i on je bi jedan peder, a drugih pederi baš i ni bilo. A sada svako lito nam dojdetu novi pederi. Ne razumim ća im je to interesantno butavat jedan drugome u guzicu, pa jemaju piški okolo koliko te volja i ona se stvar stavije u pišku, a ne u guzicu jadna vam i nevojna rabota bila pederi moji. Mogu ja svašta vidit i ne fermat, ali pedere nikako ne mogu razumit i ne volin hi vidit vuda po našemu mistu. Imaju i pederi šolde reče meni susid, ali ja njemu rečen da zajebe on te šolde ako će nam dica gledat ili slušat kako se dva meštra timbraju u guzicu. I onda dojdem doma, upalim seriju ili film, a ono jopet pederi i tamo. Nema ve filma bez pedera, a to ni nikako dobro. Mi smo pri hodili na piške i nismo baš mislili o tome da ga jedan drugome butajemo, ali u ve današnje dane ni mi čudno ako će omladina mislit da je to normalno, jer se to more vidit svagdi. Jedanput sam hodija ja po glaćkoj plaži za gledat ženskinje, a niki je čovik hodija za menom. I kako ni bilo pizdih previše ja sam već počea gledat okolo, a onda sam primjeti da ovi čovik gre za menom. Ja sam tada nastavi hodit, a onda sam se bacija u bušak da vidim ća će ovi glupan učinit. A gledam ja kroz bušak kako on mene iške, jebenti mu svu familju pedersku. I ja onda izađem vanka buška i pitan ga da šta iške, a on meni da je doša za menom. Reka sam mu da je dobro doša ako je dođa po stinju u glavu, jerbo taman sam bi ćapa stinju u bušak pa me je i shvati ozbiljno. Ni ga već bilo za vidit. |
|
Gospe ti koji dobar balun sinoć smo gledali u Androta Vlaja. Čehi dobili Holandeze sa 3:2, a mi smo navijali ka blesavi za Čehe jer možda će se na Euru natuć pinez, pa nam neće već dolazi vode ka najveći mujtaši. A judi moji koji se je to strašan balun igra sinoć, to nismo davno vidili. Trčedu i bumbižajedu na branku non-stop, a ja sam se isto non-stop ćapava za glavu jer sam stavi 20 kun na Holandeze na kladionicu. Jebenti Holandeze smantane, 2:0 su vodili i ja sam se već paričava kako ću ujutro poć po to ništo šoldih, ali Čehi su me spizdili i na kraju sam dobi kurac od ovce. A nama Olić trče isto, ali on trče ka luda Mila, ne vidi ni branke ni crte. Ovi Čehi trčedu, pucadu, dodajedu, sve brzo gre i propja ti je gušt gledat. Ko bi reka te Čehe da su balunjeri pravi, jerbo vode kad dodjedu u nas su bidni i nevojni. A ča se samo beštimalo poradi šoldih, jerbo svi su igrali skoro na Holandeze. Jebenti malega od Pave Kosirače, on sve to čita na Internetu i reka nam je da su Čehi bez par igrač i da će Holandezi dobit jerbo njima tribaju punti. Kurac su ovi igrali bez par igrač, parilo se meni da igraju sa 15 igrač jerbo hi je bilo svuda po terenu. A na našem terenu već ni trave nima. Najbolje da zasadimo kumpire jerbo ćemo tako imat neku korist od tega igrališta. A ovi naši balunjeri nam mogu doć drito iz Portugala vode gulit kumpire za sezonu, jerbo nam triba pomoć, a možda ćedu njima bolje hodit kumpiri od baluna. |
|
E došli su furešti z'bregov i iz metropole, ni to teško pogodit. "Kaj si rekel" rečedu oni meni često, kao da ja ne pričam rvacki, a njima je "kaj" sigurno izaša iz libra. A ne morem hi ni falit na plaži jer točaju bila tila, a žene njima ne znaju hodit po škrapama pa se izvrću ka dinje. E. Nama je glavna batuda sa purgerom hodit na ribu na večer, jer onda on ne razumi kurca, a iške se od njega da se ponaša ka da se rodija ovode, e. Jedon smo put čoviku namistili pizdariju, lovili smo lignje po noći pod svićon, a onda je Šimica naglo od ispod broda izroni drito na purgera stranu. Laga bi kad ne bi reka da se usra ka grlica, srce mu se stisklo ka moje bičve od pranja. E ženo, uzet ću broj bičav šeždesetisedam jerbo ja ove bičve ne mogu nosit, a tribale bi pasat na nogu četrdesetipet. I još kad nam dojdedu ovi purgeri da njima muzemo pineze, ova moja glumi gospođu, a još je pri par godin uvrhe ovce gonila. Mene kad vide purgerice sve njima je jasno šta je pravi čovik, jebeš ti svakega kojemu drob ne gre priko gaća, a guzica mu se ne vidi kad se sagne jerbo gaće iskliznu. A na šušilo isprid kuće lipo je vidit novih riđipetih i mudanti, od friških fureštkinja ća hi jemom doma i ća njima muzem pineze. Vidiš ća ti je to dobro, em ti plaćaju, em ti sušidu seksi robu na tvoje šušilo. A na moju stranu šušila vididu majice na špaline i probužane mudante, ali i gaće iz Švicarske ća ih je teta poslala prošli Uskrs, a paridu amerikanske. Ali lipo mi je vidit purgere ve naše kako ližedu prstu navečer na komin kada pečemo ribu ili štagod drugo. Žeredu nikad kada nisu spize vidili godinam, izili bi i Boga i vraga. A mi hi još oblejemo sa domaćim vinom, pa činimo lude od njih. I gledamo njima seksi robu i gole guzice od žen, a i muzemo njima pineze. Jebate led, lako je sa njima, a dangubima ka šta smo mi to paše taman. Ali isto su meni lipi ti moji purgeri. Najviše ih volim od šestega do devetega miseca. I pancetu njima pod pršut mogu prodat zato jer su cukuni, ali ne moremo sad bit takvi mujtaši pa ih oderavat na svaku balotu. Samo vi nama dojdite lipi naši ... mujs mujs ... na na ... |
|
Cilu smo zimi mlili o tome kako ćemo na lito lipo sakramentat Švicarce, pa ćemo onda vidit kako ćemo pasat sa Francuzima i Engleškom. E je kurac, Švicarci nevojni jedni ćapali nam bod i sad se mi moramo gungulavat priko Englezih. A kad se sitin Englezinih, moram vam reć da su grube ka grdobine, sve nike crvene i pjegave, a ni ne govoridu naški. Ota bi mi vrtal ne bi znala okopavat, ma ja mislin da nisu dobre ni za jaketu obisit. E nase na balun. Kako sam se nerva protiv Francuzih to je bila luda kuća. Prvo san misli da ćemo popit cinkvinu dobru, no kad su naši počeli davat gole vidi san ja da će dangubi živci poć kvragu. Svit je skaka okolo kad je mali potega iz penala, pa onda jopet su svi skakali kad je Pršo zabi za 2:1. A onda ti nam je sve usra oni kampanel od suca, jebala ga općina. Očale ću mu uzet, kako to ni vidi da mu je Trezege udrija balun rukon, usahla mu ruka. Da mi je sudac bi tote kraj mene udri bi ga šakom, bijom i pomagačom po škini dežbjegastoj, ili po ćiverici conkulastoj jebenti mu sve po spisku. Jebenti sriću takvu, boje se rodit bez one stvari nego bez sriće. |
|
Ajte u kurac turisti, uvik kad dodjete nam počnedu bužat misto. Svi lavorajemo, znojimo se da bi nam gosti ostavili štagod pinez. Meni rujedu ulicu sa novom kanalizacijom, da bi nam gosti imali di srat. Eto van Europa, činimo sve kako bi govna mogla hodit kako triba. A vruće je zapopizdit. Najboje je ništa ne lavurat, jer se oznojin u sekund. Ona bi tila da gren u vrtal okopavat, a ja joj rečen da zna da di je motika. Poj ti meštrovice po zvizdanu okopavat, neka tebe kulap ćapa. Ženske su mi dopizdile, najboje je da gren bacit na karte u misto jerbo ću se doma samo nervat. Nema lipjega od sidenja na banku kad vapor dolazi. Gledaš te Čehe bidne kako potežedu kufere ka da su izbjeglice, a vode ih zovedu turisti. U Češkoj su biće jad i nevoja, a u nas su turisti. Ovi naš turizam je ekskuzivan, nemaju ti Grci vake mujtaše ka mi. Gren spat jerbo ne mislim vode po cili dan mlit. |